പ്ലസ് വൺ പ്രവേശനം: അപേക്ഷിക്കാൻ പുതിയ അവസരം

ഹയർ സെക്കൻഡറി ഒന്നാം വർഷ പ്രവേശനത്തിന് വിവിധ അലോട്ട്മെൻ്റുകളിൽ അപേക്ഷിച്ചിട്ടും ഇതുവരെ പ്രവേശനം ലഭിക്കാത്ത വിദ്യാർത്ഥികൾക്ക് വീണ്ടും അപേക്ഷിക്കാൻ സംസ്ഥാന പൊതുവിദ്യാഭ്യാസ വകുപ്പ് പ്രത്യേക അവസരം നൽകി. ജൂലൈ 29, 2025 മുതൽ ജൂലൈ 30, 2025 വൈകുന്നേരം നാല് മണി വരെ www.hscap.kerala.gov.in എന്ന വെബ്സൈറ്റ് വഴി അപേക്ഷകൾ സമർപ്പിക്കാവുന്നതാണ്.

ഈ അവസരം നിലവിൽ ഏതെങ്കിലും ക്വാട്ടയിൽ പ്രവേശനം ഉറപ്പാക്കിയ വിദ്യാർത്ഥികൾക്ക് പ്രയോജനപ്പെടുത്താൻ സാധിക്കില്ല. പുതിയ അപേക്ഷകരുടെ റാങ്ക് പട്ടിക വ്യാഴാഴ്ച രാവിലെ ഒൻപത് മണിയോടെ വെബ്സൈറ്റിൽ പ്രസിദ്ധീകരിക്കും.

അപേക്ഷകർ യോഗ്യതാ സർട്ടിഫിക്കറ്റ്, ടിസി (ട്രാൻസ്ഫർ സർട്ടിഫിക്കറ്റ്), സ്വഭാവ സർട്ടിഫിക്കറ്റ് എന്നിവയോടൊപ്പം, അധിക പോയിന്റുകൾക്ക് അർഹത നേടുന്നതിന് ആവശ്യമായ മറ്റ് അനുബന്ധ രേഖകളും കരുതേണ്ടതാണ്.